Policia e Shkodrës ka zbuluar një shtëpi bari po në qytetin e Shkodrës.
Mësohet se pas zbulimit të banesës ku kultivohej drogë është kapur Ramiz Nikdukaj, 64 vjeç, banues në Koplik.
Në banesë u gjetën dhe u sekuestruan rreth 22 kilogramë kanabis sativa, 455 bimë narkotike të kultivuara në ambientin me llamba, si dhe 245 bimë të tjera narkotike të kultivuara në oborrin përreth banesës.
Veç Nikdukajt, u arrestuan edhe shtetasit me iniciale edhe A. L, 43 vjeç, banues në Cërrik, Elbasan, dhe B. K., 64 vjeç, banues në Cërrik, Elbasan, pasi u kapën në flagrancë duke punuar në ambientin ku kultivoheshin bimët narkotike, me anë të llambave.
Policia është vënë në kërkim të shtetasit Almir Nikdukaj (djali i Ramiz Nikdukaj), dhe u procedua në gjendje të lirë shtetasja me iniciale E. N.,vajza e shtetasit Ramiz Nikdukaj.
Policia ka proceduar në gjendje të lirë dy 2 elektricistë të zonës, shtetasit P. I. dhe G. B., të cilët akuzohen për shpërdorim detyre.
