Pas mbledhjes së Kryesisë së Partisë Socialiste, Edi Rama ka treguar emrin e propozuar nga mazhoranca për President të Republikës.
Bëhet fjalë për Bajram Begën, që është aktualisht shef i Shtabit të Përgjithshëm të Forcave të Armatosura.
“Kemi përmbyllur procesin e përzgjedhjes së kandidaturës që do cojmë në Kuvend për të votuar presidentin e ri. Sot procesi është përmbyllur duke vënë në dispozicion të gjitha kandidaturat e propozuara nga grupi parlamentar.
PS duhet të hkojë përtej vetes sepse u duhet t’u japë shqiptarëve kryetar shteti që nuk ka karrierë politike në PS por që rrezaton atë mirësi që kemi nevojë. Jemi përqendruar në bllokun e tretë që ka pasur 26 kandidatura që janë shoshitur në një numër diskutimesh për të mbështetur, Bajram Begën shefi aktual i shtabit të përgjithshëm i forcave të armatosura”, u shpreh Rama.
