Vrau dy persona në vitin 1997, ekstradohet nga SHBA 56-vjeçari

Një vrasje e kryer 25 vite më parë ka bërë që 56-vjeçari nga Durrësi Tomor Çela të ekstradohet nga SHBA për në Tiranë me qëllim bërjen e dënimit.

Policia informon se ai ka vrarë dy persona në 27 nëntor të vitit 1997 në rrugën “Bajram Curri” në Tiranë dhe më pas është zhdukur, por u pikas në SHBA.

Më herët, gjykata kishte dhënë 23 vite burg në emër të tij për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”.  Ai u kap nga policia amerikane pas kërkesës së autoriteteve shqiptare dhe tashmë u soll në Shqipëri me qëllim kryerjen e dënimit.