“Dua të bëhem deputete” Deklarata e papritur e personazhit televiziv: I bëj thirrje Ramës të më ndihmojë

Ish-konkurrentja e programit “Love Story” Marinela Hysa ka shkaktuar bujë në rrjetet sociale me deklaratat e saj për personazhet publikë ku shumë prej tyre i akuzon si imoralë.

Ndërkohë ajo ka treguar se ka një ëndërr që do të bëhet deputete, dhe për ta realizuar kërkon ndihmën e kryeministrit Edi Rama.

Hysa do që te ketë një bashkëbisedim me kreun e Qeverisë për t’i treguar të gjitha problemet që ka hasur në 10 vitet e fundit.

“Unë i bëj thirrje Edi Ramës të bëjë një bashkëbisedim me mua, unë dua të flas me Edi Ramën dhe t’i tregoj shqetësimet e popullit. Unë kam shqetësime sesi do të bëhem dikushi sepse të gjithë të rinjtë kanë frikë për jetën e tyre. Unë dua t’i tregoj të gjitha problemet që kam hasur këto 10 vite.

Ëndrra ime që e vogël ka qenë se dua të bëhem deputete, por unë nuk e arrita dot këtë sepse punova për t’i bërë shtëpi familjes dhe u detyrova të fitoja lekë dhe e lashë shkollën mbrapa. Po vazhdoj një master shkencor që të bëhem dikushi dhe pa bërë shkollën ekzakte unë nuk mund të kërkoj një vend pune.” ka thënë Marinela Hysa në Rtv Ora.