Policia e Vlorës ka arrestuar një 34-vjeçar të akuzuar për vjedhje. Në pranga është vënë shtetasi A. S.(Ç)., 34 vjeç, banues në lagjen “10 Korriku”.
Sipas policisë, ky i fundit në bashkëpunim me një person tjetër, ka vjedhur në garazhin e shtetasit me iniciale G. M., 48 vjeç, disa litra vaj ulliri.
“Specialistët e Hetimit të Krimit të Komisariatit të Policisë Vlorë arrestuan në flagrancë shtetasin A. S.(Ç)., 34 vjeç, banues në lagjen “10 Korriku”, Vlorë, për veprën penale “Vjedhja”, e kryer në bashkëpunim, pasi në bashkëpunim me një shtetas tjetër, ka vjedhur në garazhin e shtetasit G. M., 48 vjeç, banues në lagjen “Pavarësia”, disa litra vaj ulliri. Po punohet për identifikimin dhe kapjen e bashkëpunëtorit. Materialet i kaluan Prokurorisë, për veprime të mëtejshme”, thuhet në njoftimin e policisë.
