Dueli mes Liverpul dhe Real Madrid do të ketë vëmendjen e gjithë golit sot pasi përcakton fituesin e trofeut më të lakmuar për klube, Ligën e Kampioneve. Të kuqtë duan një hakmarrje për finalen e humbur katër vite më parë, ndërsa Reali të thellojë rekordin e trofeve të fituar.
Karlo Ançeloti ka vendosur të mos bëjë surpriza dhe ka publikuar më shumë se 2 orë para sfidës formacionin me të cilin do të niste ndeshjen. Një formacion në të cilin menjëherë madrilenët vendosën një rekord për turneun, duke qenë skuadra e parë që kishte në finale të paktën 4 lojtarë në përbërje që kishin luajtur 100 apo më shumë ndeshje në këtë turne: Benzema, Kros, Modriç dhe Alaba.
Ndërkohë, Klop ka bërë tre ndryshime në krahasim me ndeshjen e fundit në kampionat duke kthyer mes titullarëve Salah, Van Dajk dhe Fabinjo, për të lënë jashtë Zhota, Matip dhe Keita.
LIVE LIVERPUL-REAL MADRID 0-0
MINUTË PAS MINUTE
59’ GOOOL REAL MADRID. Shënon Vinicius pas një kundërsulmi të shpejtë nga e djathta me topin e Valverde që shkon në shtyllën e dytë te braziliani dhe ai nuk gabon duke depozituar sferën në rrjetë.
54’ Aleksander-Arnold harkon si zakonisht nga e djathta, Kurtua del dhe grushton sferën duke larguar topin.
46’ Menjëherë rrezikshëm Liverpul me një harkim nga e djathta për Luis Diaz në shtyllën e dytë por mbtoja e madrilenëve largon sferën.
46’ Nis pjesa e dytë e ndeshjes pa ndryshime te dy skuadrat.
45’+4’ Mbyllet pa gola pjesa e parë e ndeshjes.
45’+2’ Pas 4 minutash pritje, konfirmohet vendimi që Benzema ishte në pozicion jashtë loje.
43’ Harkim nga e majta i Alaba, Benzema kontrollon në zonë, pastaj çon sferën në qendër. Aty Alison nuk kontrollon dhe topi kthehet të Benzema i cili gjuan në portën e boshatisur dhe shënon. Por ai sinjalizohet në pozicion jashtë loje dhe nis një pritje e gjatë e sistemit VAR.
34′ Benzema gjen rrjetën e Liverpool, por i anulohet goli
34’ Pas shumë minutash “studimi” vjen një tjetër gjuajtje në portë, është përsëri Liverpuli me Salah i cili gjuan me kokë pas një harkimi nga e djathta por gjen Kurtua.
25’ Vinicius nga e majta nis një harkim të shpejtë në zonë, por Alison është i vëmendshëm dhe mbërthen sferën para Benzema i cili afrohej rrezikshëm.
21’ Kurtua shpëton madrilenët. Pas një gjuajtje të Mane, devijimi i lehtë i portierit çon sferën në shtyllë dhe eviton golin e avantazhit të Liverpulit.
19’ Aleksander-Arnold ka mundësinë të tentojë portën pas një hapësire që u krijua në zonë, por fluturon sferën mbi traversë.
18’ Gjuajtje tjetër e Salah, përsëri në qendër duke gjetur Kurtua.
16’ Rast ideal për Liverpulin pas një gjuajtje të Salah në zonë. Kurtua e ndalon duke e devijuar me saktësi sferën. Pak çaste më vonë është një gjuajtje e Tiago Alkantara nga jashtë zonës që përfundon në duart e portierit belg.
14’ Reali dorëzon shumë shpejt topin, me Liverpulin që mundohet nga krahët të gjejë një harkim në zonë. Luis Diaz dhe Robertson provojnë nga e majta, por pa ia dalë të gjejnë Mane.
10’ Mane shpërthen në krahun e djathtë por pasi merr fundoren, nuk ia del të kthejë në qendër për Salah para se sfera të kalonte vijën fundore.
6’ Fillim i ngadaltë i ndeshjes nga dy ekipet, të cilat nuk lejojnë hapësira për kundërshtarët, të rreshtuara mirë në prapavijë.
1’ Nis dueli në “Stade de France”
panorama
