Ish-kryeministri Sali Berisha ka lëshuar akuza të forta në drejtim të deputetit të Partisë Demokratike Gazment Bardhi.
Sipas Berishës, Bardhi është përgjegjësi direkt politik për vrasjen e ndodhur në Elbasan para zgjedhjeve të 25 prillit.
Ai i bëri thirrje deputetit që të zbardhë rolin e tij në këtë ngjarje.
“Gazment Bardhi lufton për të shpëtuar shpirtin e tij, unë e kuptoj luftën që bën për të shpëtuar shpirtin, por prapë është i pashpresë, është i pashpresë.
Të zbardhë një herë të mos i thurë lavde SPAK se do i japim atë shans apo këtë shans, po të zbardhë rolin e tij në vrasjen në Elbasan, e them sepse ai nuk ishte, askush s’është për t’u vrarë në konceptin tim, jo ne jemi vend pa dënim me vdekje. Bardhi … përgjegjës direkt politik për atë gjakderdhje në një lagje që mund të mos ketë pasur gjakderdhje ndonjëherë. Para se të rrijë të merret me këto të shkojë të japë sqarime”, deklaroi Berisha në konferencë.
