E rëndë në Pukë/ Plagoset një i mitur, transportohet me helikopter drejt Tiranës

Një ngjarje e rëndë ka ndodhur në fshatin Dom të njësisë Administrative Gjegjan të Pukës.

Mësohet se një 11-vjeçar është plagosur me armë zjarri.

Sipas dyshimeve të para, autor i ngjarjes ka qenë një 17-vjeçar.

Ndërkohë 11-vjeçari, i cili ka marrë një plagë në këmbë, po transportohet me helikopter për në spitalin e Traumës në Tiranë.

Policia ka nisur hetimet për zbardhjen e rrethanave.

Dyshohet se ngjarja ka qenë aksidentale.