LIGJET E BIZNESIT
Një ditë pasi Kolegji Zgjedhor vendosi të lërë në fuqi 30 qershorin si datë për zhvillimin e zgjedhjeve, presidenti Ilir Meta mëngjesin e sotëm doli në një konferencë për mediat.
Ai deklaroi se nuk do të japë dorëheqjen, pavarësisht nismës së Partisë Socialiste për ta shkarkuar. Ilir Meta tha se nga institucioni që ai drejton do të ngrihet republika dhe vendi nuk do të bëhet koloni.
“Ky institucion nuk i përket Ilir Metës, por Republikës, nuk do të bjerë kurrë, nga ky institucion do të fillojë ringritja e republikës. Shqipëria nuk do të kthehet në koloni. Bashkë do të jemi këtu deri në 24 korrik të 2022”, tha Meta.
Presidenti është pyetur edhe nëse do të shpërndajë parlamentin, pas dy letrave që i ka shkruar KQZ ku i ka kërkuar informacion në lidhje me numrin e deputetëve që ndodhen aktualisht në Kuvend.
“Presidenti i Republikës do të bëjë çdo veprim me shumë qetësi dhe përgjegjshmëri. Do t’i shërbej gjithmonë mbrojtjes së Republikës dhe interesave kombëtare. Shpresojmë që ta bëjmë këtë gjithmonë” theksoi kreu i shtetit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
