Kryebashkiaku i Mariupolit ngre alarmin: Qyteti po shkon drejt një katastrofe humanitare

Ai u shpreh se shirat e verës mund të shkaktojnë ndotje në të gjithë burimet e ujit.

Duke folur në aplikacionin e mesazheve Telegram ai u shpreh se përveç luftës, qyteti do të përballet me një tjetër sfidë të madhe.

“Përveç katastrofës humanitare të shkaktuar nga pushtuesi, qyteti është në prag të shpërthimit të sëmundjeve infektive”, deklaroi ai.

Kjo vjen pasi Rusia deklaroi se kishte marrrë kontrollin e plotë të Mariupolit në fillim të kësaj jave.

Ministria e mbrojtjes në Rusi publikoi një video të trupave të saj duke dërguar në paraburgim Serhiy Volynskyy, i cili ishte komandanti i Brigadës së 36-të Marinës së Ukrainës që po ndihmonte në mbrojtjen e fabrikës së çelikut në Azov.