Sherr mes adoleshentëve në Kamëz/ Dy përfundojnë në spital, dy në komisariat

Një ngjarje aspak e këndshme ka ndodhur në Kamëz. 4 adoleshentë janë përfshirë në një sherr masiv. Dy 16-vjeçarë kanë goditur me grushte e sende të forta një 16–vjeçar dhe një 18-vejçar. Këta të fundit janë jashtë rrezikut për jetën dhe ndodhen nën kujdesin e mjekëve, ndërsa dy 16-vjeçarët kanë përfunduar në prangat e policisë.

“Specialistët për Hetimin e Krimeve në Komisariatin e Policisë Nr. 5 bënë arrestimin në flagrancë të shtetasve S. Gj., 16 vjeç dhe Z. A., 16 vjeç, të dy banues në Kamzë. Këta shtetas, gjatë një konflikti për motive të dobëta, në bashkëpunim me njëri-tjetrin, kanë goditur me grushte dhe sende të forta, shtetasin E. C., 18 vjeç dhe një shtetas tjetër 16 vjeç, të cilët ndodhen në spital, jashtë rrezikut për jetën”, njofton policia.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern