Një tornado ka goditur perëndimin e Gjermanisë duke shkaktuar dëme të mëdha në qytetin Padeborn. Të paktën 40 persona kanë mbetur të plagosur, 10 prej të cilëve ndodhen në gjendje të rëndë, ndërsa një person ka humbur jetën.
Transporti hekurudhor dhe ai rrugor u ndërpre në të gjithë rajonin.
“40 persona u plagosën nga stuhia, të paktën 10 prej tyre në gjendje të rëndë”, thuhet midis të tjerash në njoftimin e policisë bashkiake.
Ata u kërkuan banorëve që të qëndrojnë në shtëpitë e tyre. Shërbimi meteorologjik gjerman paralajmëroi po ashtu se ngjarjet ekstreme të motit pritet të vazhdojnë.
Meteorologët u shprehën se moti ekstrem u shkaktua nga masat e ngrohta të ajrit që nga Afrika në kombinim me ajrin relativisht më të ftohtë që lëvizte nga Europa veriore në jug.
