LIGJET E BIZNESIT
Si rezultat i një hetimi disa mujor, netzpolitik.org dhe partnerët mediatikë të Rrjetit Signals kanë konstatuar se Huawei diskriminon punonjësit e saj në Evropë.
Dokumentet e brendshme dhe regjistrimet e fshehta audio tregojnë se kompania teknologjike i sheh punonjësit si lëndë të parë për të krijuar suksesin e saj. Ish-punonjësit flasin për një kulturë toksike korporative që promovohet nga menaxhimi i kompanisë dhe tregojnë se kinezët janë më të privilegjuar se vendasit.
Themeluesi i Huawei, Ren Zhengfei i përcjell fjalimet e tij me metafora ushtarake dhe me krenari e quan stilin e tij të ashpër të lidershipit “kulturë ujku”. Presioni i madh për të pasur sukses krijon një kulturë toksike brenda kompanisë.
Punonjësit që e përqafojnë filozofinë moderne të menaxhimit shpërblehen nga Huawei me pagesa speciale të lidhura me aksionet e kompanisë. Ajo që ndodh kur punëtorët refuzojnë të vënë jetën e tyre tërësisht në shërbim të punëdhënësit të tyre, tregohet nga emailet e brendshme dhe regjistrimet audio të fshehta të marra nga netzpolitik.org dhe partnerët e saj mediatikë, si dhe çështjet gjyqësore në disa vende.
Hierarkia e ngushtë e Huawei tregon se punonjësit kinezë dhe ata evropianë nuk janë të barabartë. Niveli i lartë drejtues është rezervuar për emigrantët kinezë të cilët dërgohen nga selia e kompanisë në Shenzhen në filialet në të gjithë botën. Dominimi kinez reflektohet edhe në nivelin e menaxhimit të grupit global. Nga 17 anëtarët e bordit të drejtorëve të Huawei, 17 janë kinezë. Punëtorët evropianë janë nën mbikqyrjen e menaxherëve kinezë, kanë më pak akses në informacion dhe janë të përjashtuar nga vendimet e brendshme të rëndësishme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjiganti kinez i teknologjisë kërkon besnikëri dhe disiplinë si nga punonjësit evropianë, ashtu edhe nga emigrantët e saj. Kompania është e vendosur të parandalojë që emigrantët të lëshojnë rrënjë jashtë Kinës dhe të marrin të drejtën e qëndrimit në vendet evropiane. Asnjë emigrant nuk mund të qëndrojë në të njëjtin vend jashtë Kinës për më shumë se pesë vjet.
Huawei duket se krenohet me fuqinë e saj të re punëtore. Burimet tregojnë se në Evropë dominojnë “breshkat e detit”. Stafi i ri është nën presion: kushtet e vështira të punës dhe kontrolli i vazhdueshëm nga kompania janë pjesë e jetës së përditshme, duke nxitur “kulturën e ujkut” që shefit të kompanisë Ren i pëlqen ta përdorë. Nga ana tjetër, gjiganti kinez i diskriminon punonjësit për shkak të moshës. Huawei nuk i pëlqen kur dikush punësohet nga kompania përtej ditëlindjes së tij të 60-të. Sipas burimeve, nëse punonjësit e moshuar nuk largohen vullnetarisht, Huawei i drejtohet presionit.
Kur bëhet fjalë për orët e punës, Huawei ndjek gjithashtu një kurs që është mjaft i pazakontë në Evropë. Pjesëmarrja shpesh shtrihet përtej orarit bazë të punës, në përputhje me të ashtuquajturin parim 9-9-6 për punonjësit në Kinë. Parimi i referohet pranisë së sugjeruar të punonjësve në zyrë nga nëntë e mëngjesit deri në nëntë pasdite, gjashtë ditë në javë. Punonjësit jo-kinezë u rebeluan dhe që atëherë janë përjashtuar efektivisht nga rregulli.
Huawei përpiqet të prezantohet si një kompani moderne dhe ndërkombëtare, por kultura e punës dhe mënyra e trajtimit të punonjësve dëshmon të kundërtën. Gjiganti kinez i teknologjisë do të vazhdojë të nxitë “kulturën e ujkut” për aq kohë sa do të ketë si burim frymëzimi gjeneralin Erwin Rommel.
