Kosovë/ Ministria tregon se kur do të dalin 100 eurot e Qeverisë për sektorin privat

Ministria e Financave në Kosovë ka treguar se gjatë javës së ardhshme pritet që të ekzekutohen 100 eurot e Qeverisë për sektorin privat.

Nëpërmjet një komunikate për media, ministria ka treguar se gjatë javës së ardhshme do të bëhet edhe shqyrtimi i mbi 300 mijë aplikacioneve të punëtorëve të sektorit privat dhe më pas do të dalin edhe mjetet.

Sakaq, sot është afati i fundit për të aplikuar për këtë masë.

Ministria e Financave, Punës dhe Transfereve njofton qytetarët se sot është edhe afati i fundit për të aplikuar për mbështetje për punëtorët që nuk marrin pagë nga buxheti i shtetit.

Për momentin, mbi 300 mijë punëtorë kanë aplikuar për mbështetje financiare prej 100 Euro.

Po ashtu, vlen të theksohet fakti se MFPT tanimë ka themeluar Komisionin Zbatues për vlerësimin e aplikacioneve dhe gjatë javës së ardhshme pritet të bëhet shqyrtimi i tyre dhe ekzekutimi i mjeteve.