Si tentoi Suel Çela të v riste biznesmenin e fuqishëm, Hoxha jep detajet tronditëse

Një nga emrat e botës së krimit për të cilët SPAK ka firmosur urdhër-arreste është dhe Suel Çela.

Gazetarja Anila Hoxha ka dhënë të tjera detaje në lidhje me krimet e porositura nga ai.

Bëhet fjalë për tentativën e vrasjes së administratorit të shkollës private në Tiranë, biznesmenit të fuqishëm Lulzim Masha, për të cilin Top Channel ka raportuar se i arrestuari Skerdi Tase dyshohej si vrasës me pagesë në këtë rast. Tase nuk ka qenë vetëm në këtë ngjarje, por i shoqëruar nga Hoxhaj.

Atentati ndaj administratorit Lulzim Masha ndodhi më 18 janar 2022 ku një person qëlloi me armë zjarri ndaj makinës së tij. Në lidhje me ngjarjen u arrestua 31-vjeçari Skerdi Tasi i cili u akuzua për “Vrasje me paramendim” e mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit.
Masha po udhëtonte i vetëm në makinë kur autori ka qëlluar drejt makinës së tij. Drejt tij është qëlluar me 3 plumba, ku 2 prej plumbave kanë kapur makinën tip “Benz” me të cilin po lëvizte Masha.