LIGJET E BIZNESIT
Ish-kryeministri Sali Berisha ka vijuar takimet me demokratët në kuadër të zgjedhjeve për kreun e ri të Partisë Demokratike.
Ditën e sotme ai ndodhej në qytetin e Beratit.
Berisha akuzoi qeverinë se po kalon nga skandali në skandal.
Ai shtoi se Shqipëria është shndërruar në rrugën kryesore të heroinës në Europë.
“Pazaret e pandershme të ish-kryetarit dhe një grusht drejtuesish. Ne kaluam 9 vite të vështira dhe të pamerituara. Kjo qeverisje kalonte nga skandali në skandal, nga rekordi i zi në rekordin e zi. Patën një qeverisje e cila sipas të gjithë treguesve e shndërroi Shqipërinë në delen e zezë të rajonit për rekordet e zeza. Në një kohë kur Europa shikonte si problem emigracionin nga Siria dhe Afganistani, herë-herë Shqipëria zinte vendin e parë për emigracionin, duke mos qenë në luftë dhe me potenciale të jashtëzakonshme. Shqipëria sot është rruga kryesore e heroinës në Europë. Kryeministri ynë flet për kanabisin më me pasion se për grurin, se për fikun se për arrat.
Opozita e pasivitetit, por edhe pazaret e saj nuk ngjallte shpresë. Kur ju shkonit për të protestuar Basha merrte mesazhin dhe nuk guxonte të përmende emrin e kundërshtarit para jush.
Ne në 25 prill ishim 620 mijë shqiptarë. Pas kësaj Basha do të angazhohej për llogari të qeverisë në veprime anti-ligjore në parti.”, tha ai.
