Zgjedhja e presidentit/ Fatmir Mediu zbulon emrin e parë që diskutoi me Agron Dukën

Në cilësinë e kreut të Aleancës për Ndryshim, lideri i Partisë Republikane Fatmir Mediu ka folur për temën e zgjedhjes së presidentit të ri.

Ditën e sotme u arrit në një konsensus mes Enkelejd Alibeajt dhe Taulant Ballës në lidhje me këtë çështje, ndërsa Mediu ka kërkuar konsensus mes opozitës për të dalë në një emër të përbashkët.

Ai tha në “Top Talk” se ka nisur diskutimet me kreun e PAA Agron Duka, ku kanë shprehur emrin e Dashamir Shehit si personin e duhur për të ardhur në krye të shtetit.

“Racionalja do kërkonte një kandidat të përbashkët. Ne si opozitë duhet të jemi të afruar për të kriujuar mes veten marrëdhënie konsensuale pastaj ta ndërtojmë me palën tjetër. Ne kemi filluar të diskutojmë edhe për emrat. Unë kam diskutuar e me Agron Dukën dhe kemi propozuar emrin e mikut tonë Dashamir Shehi. Ka një histori politike por thamë edhe një herë që duhet konsensus i përbashkët”, tha Fatmir Mediu.