E mërkura e 25 majit do të jetë ditë pushimi për zyrtarët publikë në Qarkun e Tiranës.
Informacionin e ka dhënë ministri i Brendshëm Bledi Çuçi.
Vendimi u mor sot nga Këshilli i Ministrave pasi më 25 majë do të organizohet në Tiranë finalja e Europa Conference League.
“Data 25 të shpallet ditë pushimi për të gjitha institucionet publike që janë pjesë e qarkut të Tiranës. Kjo masë merret si masë për një ngjarje siç është finalja e konferencës së Ligës, ku presim një fluks të njerëzve që vijnë”,-tha ai.
