Nisin sot negociatat konkrete për emrin e presidentit të ri të vendit

Pas dështimit të raundit të parë të zgjedhjes së presidentit, Partia Socialiste e ndjekur dhe nga opozita, do të ulen së bashku, në përpjekje për të gjetur një kompromis paraprak për presidentin e ri të vendit. Takimi midis përfaqësuesve të grupeve parlamentare do të nisë në Kryesinë e Kuvendit në orën 10:00.

Taulant Balla i kërkoi PD-së që të propozojë kandidatin e saj në Kuvend në qoftë se i ka 20 firmat e deputetëve ndërsa Enkelejd Alibeaj ka kërkuar që mbledhja të zhvillohet e hapur për mediat dhe transparente për mos “t’u bërë pjesë e kulisave dhe marrëveshjeve të errëta”.

Përmendim se raundi i parë për zgjedhjen e Presidentit u dogj pa asnjë kandidaturë ndërsa deri në raundin e dytë në datën 23 Maj palët kanë afat për një emër konsensual.