LIGJET E BIZNESIT
Prokuroria Federale e Belgjikës ka thirrur gazetarin Artan Hoxha, me qëllim që ai të dëshmojë për çështjen e shumëpërfolur të “Toyota Yaris”.
Hoxha është paraqitur në institucionin e lartë të drejtësisë europiane dhe ka dhënë dëshmijë e tij.
Siç shihet dhe nga pamjet, gazetari është pajisur me mjetin e identifikimit dhe është futur në ambientet e institucionit të akuzës në Belgjikë, për të treguar informacionet që ai dinte për këtë dosje që konsiderohet e bujshme në Shqipëri.
“Bruksel, Artan Hoxha jep dëshminë në prokurorinë belge për çështjen e Toyota Yaris”, shkruhet mbi pamjet e publikuara në rrjetin social Facebook. Hoxha zbuloi afro një javë më parë se prokurorët belgë nuk pranuan ta merrnin dëshminë e tij në Tiranë, pasi rrezikonte të dekonspirohej.
“Unë javën tjetër ditën e martë në orën 10:00 do të jem pranë prokurorisë federale belge për të dëshmuar për “Toyota Yaris”, autoritetet belge zgjodhën të mos e merrnin dëshminë në Tiranë, pasi sipas atyre dëshmia mund të dekonspirohej në Tiranë. Në çdo prokurori që më kanë kërkuar unë kam shkuar dhe kam dhënë dëshminë time”, deklaroi gazetari Hoxha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Çështja Toyota Yaris apo Auris ka të bëjë me transportimin nga Belgjika drejt Shqipërisë të rreth 3.4 milionë eurove të dyshuara nga aktivitet kriminal. Për këtë çështje janë proceduar vëllezërit Elvis dhe Alfred Vladi si dhe shoferët, por historia u komplikua më tepër pasi kreu i PD-së në atë kohë, Lulzim Basha e denoncoi ngjarjen disa orë para se të ndodhte.
