Po i jepte burrit dr ogë në burg, gruaja kapet në flagrancë

Një grua është kapur duke i dhënë bashkëshortit të saj të burgosur një sasi të narkotikëve, në sallën ku zhvillohen vizitat në burgun e Dubravës.

Por kjo nuk shkoi pa u vërejtur, pasi oficerët korrektues gjatë vëzhgimit të palëve, kanë konstatuar se diçka nuk është në rregull dhe duhet intervenim. Siç raporton Sinjali, në momentin që kanë ndërhyrë zyrtarët për t’i kontrolluar, i burgosuri e ka hedhur një qese me drogë në tokë, duke tentuar që ta fsheh.

Plani u dështoi dhe përveç që vizita mbaroi aty, edhe gruaja e të burgosurit u fut në telashe me ligjin. Ajo u shoqërua në stacion policor, për t’iu nënshtruar procedurave ligjore, ku me urdhër të prokurorit është iniciuar rast ndaj saj për shitje dhe shpërndarje të paautorizuar të narkotikëve.