Përfaqësuesi i Lartë për Politikë të Jashtme në BE, Josep Borrell ka kërkuar që të hapen negociatat me Shqipërinë dhe Maqedoninë e Veriut para përfundimit të presidencës franceze.
Në një deklaratë për mediat pas takimit të ministrave të jashtëm të BE-së ai ka folur për një situatë jo të qëndrueshme, për të cilën tha se kjo është një dhuratë për Moskën.
“Duhet të hapim negociatat me Shqipërinë dhe Maqedoninë e Veriut para përfundimit të presidencës franceze, situata aktuale nuk është e qëndrueshme, është një dhuratë për Moskën”, shtoi ai, raporton Tgcom.
Sa i përket paketës së gjashtë të sanksioneve kundër Rusisë për pushtimin e Ukrainës, “për fat të keq- tha ai – nuk është arritur asnjë marrëveshje për temën e embargos së naftës”.
Një dokument pune i diskutuar nga ministrat e jashtëm të BE-së sot tha se përfaqësuesit e Shqipërisë, Malit të Zi dhe Maqedonisë së Veriut mund të ftohen të marrin pjesë në takimet e zgjedhura të Këshillit të BE-së dhe organeve përgatitore të politikës së jashtme.
