“Mafia shqiptare punon për Ndraghetan” Maurizio Vallone i shkon të gjithë: K rimi i organizuar shkon atje ku ka para

Drejtori i Përgjithshëm i Departamentit të Antimafias Italiane Maurizio Vallone ka bërë një deklaratë tronditëse.

Sipas tij, mafia shqiptare ka marrë një nënkontraktim nga ajo kalabreze Ndragheta në lidhje me menaxhimin e trafikut të drogës.

Mesazhin Vallone e dha gjatë përurimit të një ekspozite në Genova, me rastin e 30 vjetorit të departamentit të hetimit antimafia.

“Për mbi 30 vjet Liguria ka parë praninë e të gjithë mafiozëve. Por hetuesit kanë arritur të përballen me infiltrimin.”

“Genova është një port i cili ka qenë nën mbikëqyrje të rreptë nga hetuesit dhe këtë e dëshmojnë sasitë e mëdha të sekuestruara”, shtoi ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Aty ku ka më shumë sekuestrime ka më shumë vëmendje. Konfiskimet e fundit në portin e Genovas nuk tregojnë domosdoshmërisht se ka pasur rritje të trafikimit të drogës, por operacionet policore janë përmirësuar. Krimi i organizuar është goditur edhe nëpërmjet sekuestrimeve që lejojnë dëmtimin e organizatave kriminale”, tha Vallone.

Liguria ka qenë një vend i infiltrimit të të gjithë mafiozëve për 30 vjet. Krimi i organizuar shkon atje ku ka para, një ekonomi të pasur dhe të shëndetshme.”

Në raportin e fundit të Antimafies Italiane, trafiku i drogës mbizotëron në aktivitetin kriminal të rajonit të Ligurias. 60% e operacioneve të kryera gjatë vitit 2021 i përkasin punës së antidrogës territorial”, u shpreh ai.

Vallone tha se duhet intensifikuar aktiviteti hetimor edhe në zonat e tjera ku konstatohet krimi.