LIGJET E BIZNESIT
Mbledhja e grupit parlamentar të PD ka përfunduar pas më shumë se dy orësh debate dhe diskutime mes të pranishmëve.
Ndërkohë pas takimit, kryetari i Komanduar i forcës politike më të madhe opozitarë në vend, Enkelejd Alibeaj, ka dhënë një deklaratë për mediat.
Duke qënë se në mbledhje mungonin më shumë se 30 deputetë, ai është pyetur nga gazetarët nëse është braktisur nga kolegët.
Por Alibeaj u shpreh se kjo gjë nuk është e vërtetë, pasi edhe në mbledhjet e kaluara nuk kanë qenë të gjithë.
Pyetje: Si mund ta quani ju një mbledhje, kur keni pasur vetëm 22 deputetë, s’është përmbushur kuorumi?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Enkelejd Alibeaj: “Nuk është e vërtetë që na braktisën deputetët. Ishin aq dhe grupi parlamentar i PD-së, numëron 36 deputetë. Disa prej deputetëve kishin disa impenjime të tjera, edhe në mbledhjet e kaluara nuk kanë qenë të gjithë. Por, edhe për deputetët që keni ju ndërmend, ka një plan, do t’ju jepet gjithçka me shkrim.
Opozita të propozojë emrin e presidentit? Ajo që është e rëndësishme mungojnë kriteret, duhet një profil që duan shqiptarët.
Do ta shikoni propozimin tonë dhe në cilin nivel është emri i propozuar nga ne. Do të diskutohet në mbledhjen e radhës të PD emri i presidentit të ri.
Unë refuzoj ta shikoj si një demonstrim numrash, nuk vendosin deputetët e PD testin 20 apo 30 por janë deputetë të PD që kanë dinjitetin dhe kurajën për të mbajtur qëndrime për çështje të nxehta dhe unë refuzoj të konsideroj grupin parlamentar si çështje numër por më shumë se kaq, është detyrimi i çdo deputeti për të shprehur vullnetin që është zgjedhur për të shprehur vullnetin.
Unë nuk veproj si zëdhënës, unë jam kryetar i grupit parlamentar i PD-së. Në këtë proces ka vetëm një gjë që kam detyrim të përcjell atë që do të jetë vullneti i shumicës së deputetëve”, tha Alibeaj.
