LIGJET E BIZNESIT
Mblidhet grupi parlamentar i Partisë Demokratike, ku pjesë e diskutimit është dhe emri i presidentit të ri.
Deputetët kanë dhënë propozimet e tyre për emrin dhe karakteristikat që duhet të ketë Kreu i Shtetit.
Konkretisht Saimir Korreshi është shprehur se duhet të propozohet një emër dhe se bojkotet kanë treguar më herët se kanë qenë të gabuara.
“Duhet te pyesim dhe te vendosim bashke me ata qe nuk jane prezent nese do marrim pjese apo jo. E para kjo. Me bojkotet koha ka treguar qe kane qene te gabuara dhe s’na ka dhene te drejte. Duhet te kemi te qarte qe Rama e vendos vete presidentin edhe pa ne pasi po ne e kemi ndryshuar me heret Kushtetutën.
Procesi mos te kushtëzohet vetëm te emri por një proces qe te kete procedura dhe kritere nëse nga pala tjeter nuk pranohen s’kemi pse bëhemi farse. Ne duhet te propozojmë nje figure e cila te jete e pranuese per shqiptaret qe i përfaqëson te gjithë ata” tha ai.
Ndërsa në lidhje me këtë çështje deputeti Lefter Gështenja është shprehur se duhet të jetë kush që presidenti i ri të jetë antikomunist.
“Se pari nëse duhet te bej lajm do thoja qe ne s’duhet te marrim pjese ne procesin e zgjedhjes se presidentit. Ne fakt unë jam që ne duhet të marrim pjesë në proces. Edhe pse ne e dimë qe Rama i ka numrin, ne duhet te marrim pjese duke vendos kritere të sakta se kush duhet te jetë presidenti. Para opinionit publik ne nxjerrim 1 2 3 ose 4 kandidate potenciale qe kane reputacion ne opinionin publik. Duke sfiduar maxhorancën me kandidate me integritet. E sigurte qe qytetaret do te na vlerësojnë për këtë zgjidhje. Kushti im është qe presidenti te jete një antikomunist, që nuk shitet e nuk blihet. Grupi Parlamentar i PD duhet te dale ne terren. Duhet te takojmë demokratet dhe qytetaret” tha ai.
Ndërsa deputeti Ferdinand Xhaferraj ka thënë se duhet të negociojnë edhe me faktorin ndërkombëtar.
“Të marrim pjesë, por mos të përdoremi nga procesi e zgjedhjes së presidentit të ri.. Të negociojmë me faktorin ndërkombëtar për procesin”, ka thënë Xhaferraj.
