LIGJET E BIZNESIT
Deputetët e Partisë Demokratike janë futur në selinë blu një nga një pasi kryetari i Komanduar Enkelejd Alibeaj njoftoi për mbledhje të grupit parlamentar.
Në takim do të diskutohet për aktualitetin politik dhe zgjedhjen e presidentit të ri pas konsultimeve me mazhorancën.
Në një prononcim për mediat, Alibeaj e injoroi vendimin e Kuvendit Kombëtar të 30 prillit të organizuar nga ish-kryeministri Sali Berisha dhe Komisionin e Rithemelimit që nuk e njeh si kryetar të grupit parlamentar të PD.
Pyetje: Komisioni i Rithemelimit iu ka shkarkuar dhe nuk iu njeh si kryetar të grupit parlamentar të PD-së, keni një përgjigje?
“E kam ftuar grupin. Nuk më njeh kush? Rithemelimi! Po çfarë pastaj!!! Ka shumë çështje axhenda parlamentare, sot për shembull ishte fitoja e vogël e banorëve të Rinasit. Kam detyrimin që të dëgjoj deputetët e grupit të PD. Është e rëndësishme që për çështje të rëndësishme, edhe minore do të duhet të respektohet zëri i secilit deputet. Do të pyes deputetët dhe nëse janë dakord do të merrni pjesë. Megjithatë për çdo rast e dini se do të ketë gjithmonë një deklarim për shtyp”, tha fillimisht Alibeaj.
Çështja e emrit të Presidentit të Republikës janë detyrim për tu diskutuar, dhe unë kam detyrimin ti thërras për t’i dëgjuar çfarë mendojnë deputetët demokratë. Për çështje të tilla ka një rregullore që përcakton të drejtat dhe detyrimet e secilit prej instancave. Mbledhjet e grupit parlamentar sipas rregullores thirren nga kreu i grupi parlamentar që jam unë dhe është një detyrim që duhet të ushtrohet nga unë. Për çështje kaq të rëndësishme do duhet të dëgjohet dhe respektohet zëri i secilit deputet.
Në rregullore janë përcaktuar. Lexo rregulloren dhe është e qartë. Është detyrimi i secilit deputet. Duke çuar përpara aksionin opozitar, ka detyrimin për të marrë pjesë dhe për të shprehur mendimin e tyre. Unë do të pyes deputetët dhe ju të keni mundësi të merrni pjesë”, përfundoi Alibeaj.
Ditën e sotme në orën 17:00 ka nisur mbledhja e grupit parlamentar të Partisë Demokratike. Njoftimi për mbledhjen u bë dje nga deputeti Enkelejd Alibeaj i cili vazhdon të ushtrojë funksionet e kryetarit të grupit parlamentar pavarësisht shkarkimit të tij në Kuvendin e 30 Prillit. Në mbledhjen që ka nisur deri më tani janë paraqitur 20 deputetë të PD, nga 58 deputetë që kagrupi parlamentar pas përjashtimit të Berishës.
