Kthjellime dhe vranësira/ Ky është parashikimi i motit për sot, ja sa do të jenë temperaturat

Sot pjesa më e madhe e territorit të Shqipërisë do të jetë në dominimin e kushteve të qendrueshme atmosferike të cilat do të sjellin mbizotërim të kthjellimeve dhe kalime të pakta të vranësirave.

Sipas parashikimit të MeteoAlb, në zonat malore parashikohet që vranësirat të pësojnë zhvillime të përkohshme në orët e mesditës dhe pasdites.

Temperaturat e ajrit do të rriten lehtë në mëngjes dhe ndjeshëm në mesditës duke luhatur vlerat ditore nga 6 gradë Celsius deri në 25 gradë Celsius.

Era do të fryjë e lehtë dhe mesatare me shpejtësi 35 km/h nga drejtimi Perëndimor duke krijuar në det dallgëzim 2 ballë.