E rëndë në Elbasan/ Dh unohej nga burri dhe vjehrra, gruaja hidhet nga kati i tretë i pallatit

Një ngjarje e rëndë ka ndodhur sot në Elbasan.

Mësohet se një 52-vjeçare e identifikuar si Fatbardha Likarma ka vrarë veten duke u hedhur nga kati i tretë i pallatit në lagjen “Vullnetari”.

Gruaja kishte bërë më herët një denoncim për dhunë  në familje, teksa ditën e sotme ka vendosur të kryejë aktin ekstrem.

Dhuna ndaj 52-vjeçares ushtrohej nga burri dhe vjehrra ndërsa mbrëmë policia shkoi në banesë pas denoncimit.

Natën e djeshme ajo e kaloi tek e motra ndërsa familjarët e saj janë të ngarkuar psikologjikisht pas ngjarjes së rëndë dhe kërcënojnë vjehrrën e Fatbardha Likarmës.

Ajo banonte në katin e parë të pallatit dhe kishte tre fëmijë.

NJOFTIMI ZYRTAR I POLICISE

Elbasan/Informacion paraprak

Më datë 04.05.2022, rreth orës 13:00, në lagjen “Vullnetari”, Elbasan, është hedhur nga kati i tretë i pallatit dhe për pasojë ka ndërruar jetë shtetasja F. L., 52 vjeçe.

Nga verifikimet e para rezulton se kjo shtetase vuante nga depresioni.

Në vendngjarje ndodhet grupi hetimor, i cili po punon për sqarimin e plotë të rrethanave të ngjarjes.