Presidenti i ri/ Alibeaj dhe Balla bien dakord, ja kur do mbahet raundi i parë i votimit

Seanca e parë për zgjedhjen e presidentit të ri do të mbahet më 16 maj.

Në Konferencën e Kryetarëvve, Enkelejd Alibeaj ka kërkuar që procedurat në Kuvend për votimin e Kreut të Shtetit mos të nisin sot, por më datë 10 maj.

Propozimi u mbështet nga kryetari i grupit parlamentar socialist, Taulant Balla. Balla shpjegoi se në datë 10 Maj do të mblidhet sërish Konferenca e Kryetarëve dhe më pas raundi i parë i votimit në parlament mund të zhvillohet më 16 Maj.

“Po bëj një simulim: Në datë 10 Maj mblidhet sërish Konferenca e Kryetarëve. Në datë 15 deri në orën 16:00 në Kuvend të jetë depozituar emrat për kandidatë. Komisioni i ligjeve bën shqyrtimin në orën 10. Pas verifikimit shkojmë në seancë plenare pasdite për ti lënë kohë komisionit të ligjeve. Kjo është tradita parlamentare”, tha Balla.

Në komision, Fatmir Mediu kërkoi bisedime mes forcave politike, por Balla tha se PS do të zhvillojë bisedime vetëm me grupet e tjera parlamentare në Kuvend.