Kthim në mesjetë/ Pas rritjes së çmimit të naftës, i riu gjen zgjidhjen. Shkon në punë me kalë

Teksa në të gjithë Europën është rritur çmimi i karburantit, një zgjidhje ndryshe vjen nga Franca.

Bëhet fjalë për një të ri, i cili për të përballuar këtë përiudhë të vështirë të krizës energjitike pas fillimit të luftës në Ukrainë, shkon në punë çdo ditë me kalë.

Louis Zenex 21-vjeç, ndaloi së udhëtuari me makinë pasi nuk po përballonte çmimin e lartë të naftës.

I riu ka folur në mediet vendase për vendimin se si mori iniciativën për të shkuar në punë me kalë. Ai tha se kali ishte zgjedhja më e mirë që ai bëri për të kursyer para.

“Më merr më pak se një orë për të shkuar në punë. Unë ndjek rrugën normale ku kalojnë makina dhe kali im është mësuar tashmë me makina. Nëse ka mjegull, vendos një jelek të verdhë dhe një shenjë fosforishente në bishtin e kalit në mënyrë që të dukemi në rrugë”, tha 21-vjeçari.