Një ngjarje makabre është shënuar në Korçë. Burime pranë policisë bëjnë me dije se një foshnjë është gjetur e pajetë në një valixhe në të cilën nëna e kishte futur sapo kishte lindur. Ngjarja e rëndë është shënuar në lagjen 15 të qytetit juglindor.
Fëmija është dërguar në morg për autopsi.
Burime shtojnë se gruaja e cila vuan nga probleme të shëndetit mendor e ka lindur fëmijën në shtëpi dhe më pas e ka futur në një valixhe.
Foshnjen e ka gjetur të vdekur në banesë bashkëshorti. Ai kishte ardhur nga emigracioni vetëm një ditë më parë. Bashkeshorti i ka thënë policisë që kishte më shumë se një vit që nuk ishte kthyer në shtëpi dhe fëmija qe u gjet i vdekur nuk ishte i tij.
Çifti ka edhe një femijë tjetër 15 vjec. Gruaja është dërguar në maternitet për ndihmë të mëtejshme mjekësore.
