“Vetëm dashuria është rruga e duhur drejt paqes” Sot festohen Pashkët, Monika Kryemadhi uron besimtarët ortodoksë

Kryetarja e Lëvizjes Socialiste për Integrim Monika Kryemadhi ka uruar besimtarët ortodoksë me rastin e festës së Pashkëve.

Ajo shprehet se vetëm dashuria mes njëri-tjetrit është e gjithëpushtetshme mbi të keqen dhe rruga e duhur drejt paqes.

MESAZHI I PLOTE

Pashkë të gëzuara dhe paqe për të gjithë!

Drita e Shenjtë që besimtarët ortodoksë kanë shpërndarë në të gjithë vendin, uroj të bekojë dhe ndriçojë përgjithmonë familjet, komunitetet e tyre, e me to, të gjithë Shqipërinë tonë.

Le të kujtojmë gjithmonë mësimin prej shembullit të Krishtit, se vetëm dashuria mes njëri-tjetrit është e gjithëpushtetshme mbi të keqen dhe rruga e duhur drejt paqes.

Për shumë vjet Pashkët të gjithëve! Krishti u Ngjallë! Vërtet u Ngjallë!