Çfarë ndodhi? Bie një pjesë e fasadës së Qeverisë së Maqedonisë së Veriut

Nga fasada e Qeverisë ka rënë një pjesë e madhe e stiroporit, pjesë kjo e projektit “Shkupi 2014”, e cila është paguar plot 8 milionë euro.

Fotot i ka publikuar nënkryetari i LSDM-së, Stefan Bogoev, i cili ka shkruar: “Krimin e regjimit të DPMNE-së po e paguajmë sot”.

Prokuroria për Krimin e Organizuar dhe Korrupsion në fillim të prillit hapi hetimet për ndërtimin e fasadës së qeverisë me materiale të joadekuate.

Sipas hetimeve, fasada e Qeverisë është bërë nga materiali që nuk përputhet me materialin e parashikuar në projektin themelor, dhe realizuesi i punimeve me paratë e “kursyera” ka blerë patundshmëri në Gazi Babë, Qendër Zhupë dhe Krushevë, e më pas i ka shitur me çmime më të ulëta se vlera e tregut.

Në hetim janë të përfshirë 4 persona të cilët kanë keqpërdorur pozitën dhe auorizimet gjatë realizimit të marrëveshjes për ndërtimin e punëve ndërtimore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern