Më në fund/ Ukrainasit i rikthehen jetës, hapen dyqanet dhe restorantet

Gjithnjë e më shumë njerëz po kthehen për të jetuar në Kiev. Përpos paralajmërimeve se qyteti nuk është i sigurt, diçka e ngjashme me jetesën normale po kthehet në rrugët e kryeqytetit.

Kafenetë dhe po ashtu restorantet po hapin dyert.

“Mendoj se Kievi po rikthehet në normalitet. Ditën kur u kthyem qyteti ishte bosh, por tani duket se shumë të tjerë po kthehen. Megjithatë, ne kemi bërë gati bagazhet, sepse nuk i dihet kurrë”, shprehet një banore e Kievit.

“Një javë më parë ne hapëm biznesin tonë, një dyqan buke dhe po shohim se njerëzit po kthehen. Kemi klientë dhe mysafirë. Mund të punojmë dhe kjo më gëzon”, tha një tjetër.

Të ardhurit janë kryesisht gra e fëmijë, që kthehen tek bashkëshortët dhe gjyshërit të cilët qëndruan në shtëpitë e tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Qytetarët të cilët zgjedhin të kthehen janë aq të shumtë, saqë linja e autobusëve Varshavë-Kiev ka rifilluar funksionimin.

Por jo shumë larg, ushtarët përpiqen që të çaktivizojnë minat dhe bombat e vendosura nga rusët, gjë kjo që tregon se lufta nuk ka mbaruar.