LIGJET E BIZNESIT
Ish-kryeministri Sali Berisha ka zbuluar sot një nga emrat e mundshëm që sipas tij, Rama kërkon të instalojë në postin e Kreut të Shtetit.
Në një konferencë për shtyp, ai përmendi emrin e Vali Bizhgës.
Ndërkohë, procesin që PS e quan konsultim për zgjedhjen e Presidentit, Berisha e cilësoi tipik të Cosa Nostras.
“Si mund ta karakterizojmë me një fjalë këtë proces meqë javën e kaluar u fol se Kongresi i PS ishte i ngjashëm me një kongres së Cosa Nostra.Procesi i zgjedhjes së Presidentit është shndërruar në një proces tipik të Cosa Nostras. Edi Rama për të zgjedhur Presidentin e Republikës ka zgjedhur procesin më mafioz. A keni dëgjuar ndonjë emer se kush ka dalë nga zarfat. 2/3 i kanë shkuar Vali Bizhgës. Në një kohë kur emri i saj nuk figuron në asnjë zarf. Prisnin kur të vijnë zarfet e shoqërisë civile. Spo e avancoj emrin por prisni se do ua them javës tjetër”,-tha Berisha.
Vali Bizhga është shefja e kabinetit të kryeministrit Edi Rama. Ajo ka punuar me Edi Ramën si zv.kryetare e Bashkisë kur ai drejtonte Bashkinë e Tiranës. Pas kësaj kohe, pati një tërheqje nga punët politike dhe ekzekutive. Derisa në 2013, pas fitores në zgjedhjet e përgjithshme në Shqipëri, Rama e vendosi në krye të kabinetit të tij. Pozicion që Bizhga vazhdon ta mbajë dhe sot.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
