“Ishte kërkesë e të birit” U dërgua për kurim jashtë vendit, gazetari tregon në cilin shtet ndodhet Bujar Nishani

Ish-presidenti Bujar Nishani është dërguar sot rreth orës 09:30 për një mjekim më të specializuar në Gjermani.

Gazetari Erjon Skëndaj ka bërë me dije se ish-Kreu i Shtetit nuk paraqet rëndim të gjendjes shëndetësore.

Nishani u nis drejt Gjermanisë pas kërkesës së djalit të tij për ta patur pranë pasi jeton atje.

“Sot rreth orës 09:30 është nisur drejt Gjermanisë për mjekim të specializuar. Shkaku nuk ka qenë rëndimi i gjendjes shëndetësore, por kërkesë e familjarëve, djalit të tij student në Gjermani për ta pasur pranë. Presidenti ka qëndruar 48 orë te Sanatoriumi si i sëmurë post-Covid. Fillimisht qëndroi në katin e katërt, pastaj u transferua në katin e dytë. Kishte prekje në dy pulmonet e tij, dhe u trajtua me një sasi 6-7 litra oksigjen. Është një sasi mesatare e detyrueshme për një pacient. Mbetet e paqartë se si Presidenti ashtu si mijëra shqiptarë, që është trajtuar në shtëpi, dhe vetëm kur gjendja e tij është rënduar ka kërkuar asistencën e mjekëve në Spitalin Covid. Duket se edhe Presidenti ka bërë të njëjtin gabim që është kuruar në shtëpi, duke mos shkuar në spital. Nishani është pjesë e kategorisë së riskut që kanë sëmundje bashkëshoqëruese”, bëri të ditur Skëndaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern