Aktori Florian Binaj u largua me bujë të madhe nga spektakli i humorit “Portokalli”.
Por tashmë, atë do ta shohim në një tjetër ekran televiziv.
Së bashku me këngëtaren Arilena Ara, artisti do të drejtojë emisionin investigativ “Piranjat”.
Puntata e parë do të jetë të martën e ardhshme në ekranin e “ABC”.
Sipas produksionit, “Piranjat” pritet të frikësojnë çdokënd që ka ngjyer sadopak duart me paratë publike duke u bërë zëri kryesor në ekran i problematikave të shoqërisë, ndërsa nuk do të mungojnë situatat gazmore, njerëzit e kapur “mat” dhe investigimet në thellësi, sepse në fund të fundit, asgjë nuk mund të rrijë e fshehtë përgjithmonë!
Të martën në orën 21:00 dhe në vijim, në ekranin e ABC në Shqipëri dhe T7 në Kosovë, sepse “Piranjat” janë programi televiziv ku çdo gjë mund të ndodhë dhe askush nuk është i sigurt.
