Pas 12 ditësh kërkime, gjendet trupi i pajetë i 10-vjeçarit në lumin Fan

Ai ndodhej në rezervuarin e HEC-it në Reps.

Kujtojmë se fëmijën e mori rrjedha e ujit pasi u afrua për të marrë topin që i kishte rënë.

Ngjarja e rëndë u shënua pasditen e datës 5 prill, ku një lojë me top mes bashkëmoshatarësh u kthye në një tragjedi për 10-vjeçarin në Mirditë.

Kërkimet për gjetjen e trupit vijuan për më shumë se 10 ditë ndërsa në një moment u bë edhe devijimi i pjesshëm i lumit për të kontrolluar pranë një ure ku dyshohej se mund të ndodhej trupi.