Ministria e Shëndetësisë e Quebec, Kanada ka kërkuar ndjesë publike për një postim të publikuar gabimisht që kishte lidhje me një video këmbësh.
Mësohet se agjencia shëndetësore postoi linkun pornografik ditën e enjte, ndërsa iu deshën më shumë se gjysmë ore për të korrigjuar gabimin.
Linku thuhet se të dërgonte tek një video e titulluar “Adhurimi i këmbëve të femrës”.
Menjëherë pas “incidentit”, Ministria Shëndetësore e njohur edhe si Santé Québec kërkoi falje në rrjete sociale.
Sikurse pritej, përdoruesit e Twitter reaguan shpejt.
“Pornografi falas ju jep qeveria juaj”-shkroi njëri.
Sakaq, një tjetër shtoi: Ky është informacioni Covid që të gjithë kemi kërkuar.
“Ngushëllimet e mia më të thella shkojnë për punonjësin e Santé Québec, i cili aksidentalisht postoi pornografi të këmbëve nga faqja zyrtare e qeverisë në Twitter së bashku me përditësimin e përditshëm të Covid-19.”-ishte një tjetër koment.
