“Veprimet tuaja nuk janë aq të fshehura” Shpalljet ‘non-grata’ nga DASH, Yuri Kim del me mesazh të koduar

Ambasadorja e SHBA në Tiranë Yuri Kim ka dalë me një mesazh të fortë për të shpallurit “non-grata” nga DASH.

Ajo u bën thirrje personave në fjalë që të ndalojnë  kërcënimet dhe gjuhën vulgare.

Kryediplomatja shton që askush mos mendojë se veprimet e tyre që kanë çuar në shpalljen non-grata janë aq të fshehta sa mendojnë.

MESAZHI I PLOTE

Teksa reforma në drejtësi po fillon të prodhojë gjithnjë e më shumë rezultate, kundërshtarët po shtojnë përpjekjet për të minuar elementët kryesorë, përfshirë vettingun.

Ata që angazhohen në kërcënime, frikësim, shpifje, nxitje korruptive duhet të ndalojnë. Veprimet tuaja nuk janë aq të fshehura sa mendoni.

Presidenti Biden e bëri të qartë në Memorandumin e Studimit të Sigurisë Kombëtare të 3 qershorit 2021 se lufta kundër korrupsionit është një interes thelbësor i sigurisë kombëtare të Shteteve të Bashkuara.

SHBA do të vazhdojë të mbështesë fuqishëm zbatimin e reformës në drejtësi në Shqipëri.