LIGJET E BIZNESIT
Gjykata greke ka vendosur të dënojë me 8 vite burg një nënë shqiptare.
Ajo akuzohet për trajtim çnjerëzor ndaj 3 fëmijëve të mitur.
Ngjarja tronditëse u bë e njohur pak ditë më parë kur babai i fëmijëve 2 e 3 vjeç pasi 6-vjeçari është nga lidhje e mëparshme, shtetas grek dhe marinar në profesion u kthye pas 1 viti udhëtim dhe kërkoi të takojë fëmijët tek ish-bashkëshortja.
Por ai u përball me një skenë të tmerrshme, pasi fëmijët jetonin mes minjve dhe buburrecave në shtëpi.
30-vjeçarja shqiptare jetonte me të dashurin e saj 54-vjeçar, ndërkohë që ish-burri u nxorr me dhunë që të mos hynte në banesë. Me ndërhyrjen e fqinjëve, organizatës për mbrojtjen e të miturve “Buzëqeshja e fëmijëve” dhe policisë u bë i mundur arrestimi i çiftit një javë më parë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Dëshmitë e frikshme se si babai pa të dalin buburreca nga goja e fëmijëve e sesi qarkullonin nëpër Athinë si lypësa zbathur ka shkaktuar tmerr dhe tek vetë gjykatësja, që gjatë seancës së sotme kërkoi të ndalojnë pamjet dhe dëshmitë e akuzave, sepse nuk duronte dot më.
Fëmijët aktualisht janë të shtruar në spitalin pediatrik në Athinë, ndërkohë që shqiptarja mori dënimin me 8 vite burg.
