E paditi për shpifje/ Rama harron të kaluarën, pret Ramush Haradinajn në Tiranë (FOTO)

Kryeministri Edi Rama ka pritur sot kryetarin e Aleancës për Ardhmërinë e Kosovës, Ramush Haradinaj.

Takimi që u zhvillua në Tiranë ishte i pari pas incidentit me padinë, por mesa duket mosmarrëveshjet e së kaluarës janë harruar.

Haradinaj shkruan se me Ramën kanë diskutuar edhe për projektin e hekurudhës Prishtinë-Durrës, si dhe për dhënien e dyshtetësisë mes vendeve.

Të dy politikanët kanë diskutuar për bashkëpunimin mes Kosovës dhe Shqipërisë në ekonomi, infrastrukturë dhe siguri e politikë të jashtme, njofton Haradinaj.

“Bashkëpunimi mes Kosovës dhe Shqipërisë në ekonomi, infrastrukturë, siguri e politikë të jashtme, ishin temat kryesore të takimit të sotëm me Kryeministrin Edi Rama.  Bashkëbiseduam gjithashtu për projektin e Hekurudhës Prishtinë – Durrës si projekt i domosdoshëm për të dyja vendet, si dhe dhënien e dyshtetësisë për qytetarët tanë. Falënderova Kryeministrin Rama për ndihmën e shtetit shqiptar gjatë krizës energjetike në Kosovë dhe shpreha nevojën e gjetjes së mënyrave të bashkëpunimit të ngushtë mes dy vendeve në këtë kohë aspak normale”, ka shkruar ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Po ashtu lidhur me ketë takim ka reaguar edhe kryeministri Rama i cili ka postuar disa foto nga takimi me te.