LIGJET E BIZNESIT
Çmimi i naftës ka pësuar sërish ulje ditën e sotme, kurse benzina ka shënuar rritje. Nga një vëzhgim i bërë në pikat e karburantit vërehet se nafta këtë të premte shitet me 231 lekë për litër, duke rënë me 6 lekë të tjera. Sakaq, benzina ka pësuar një rritje të lehtë. Ajo rritet me 1 lekë, duke u shitur në treg 212 lekë/ litër.
Megjithatë Bordi i Transparencës ende nuk ka publikuar zyrtarisht çmimet e reja. Në përditësimin e fundit të bërë në datën 29 mars, çmimet e naftës dhe të gazit janë ulur lehtë. 1 litër naftë u tregtua për 237 lekë nga 245 lekë që ishte më parë. Për benzinën, çmimi u la në 211 lekë për litër nga 218. Në përditësimin e fundit rritje shënoi po ashtu edhe gazi, një litër e të cilit u la 116 lekë nga 110 lekë.
Sipas njoftimit të bordit, mbledhja e ardhshme pritej që të ishte më datë 31.03.2022 me qëllim pasqyrimin në çmimin e shitjes me pakicë të këtyre nënprodukteve, të ndryshimeve të mundshme të çmimeve në tregjet ndërkombëtare. sot është data 1 prill dhe Bordi ende nuk ka marrë vendime të reja.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
