LIGJET E BIZNESIT
Besimtarët myslimanë nisin këtë të premte, muajin e shenjtë të Ramazanit. Për 30 ditë me radhë në mbarë botën, myslimanët nisin ritualin e agjërimit në shenjë përuljeje ndaj Zotit.
Agjërimi i muajit të Ramazanit konsiston në privimin me vetëdije nga ngrënia si dhe pirja prej agimit deri në perëndimin e diellit.
Besimtarët myslimanë do të nisin agjërimin e tyre duke nisur nga mëngjesi i ditës së shtunë.
Muaji agjërues për besimtarët mysliman është shprehi besimi ndaj Allahut, humanizmi si dhe ndjeshmëria ndaj njerëzve në nevojë duke mbartur në vetvete sakrificën me shmangien e ushqimit dhe ujit nga orët e para të mëngjesit e deri në perëndimin e diellit.
Agjërimi i Ramazanit është bërë tanimë obligim në muajin Shaban, viti i dytë hixhri, nëpërmjet ajetit 183 të sures Bekare, në të cilin thuhet: “O ju që keni besuar! Agjërimi ju është bërë obligim sikurse ishte obligim edhe për ata që ishin para jush, kështu që të bëheni të devotshëm”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Agjërimi në Islam si dhe aplikimi i tij në praktikë, mbi të gjitha, është një adhurim që bëhet vetëm për hir të Allahut, duke nënkuptuar kështu nënshtrimin dhe respektimin e ligjeve të Tij, duke hequr dorë, në një pjesë të kohës së dhuruar nga Zoti, nga ushqimi, pirja si dhe marrëdhëniet intime bashkëshortore.
Çfarë e prish agjërimin?
Marrëdheniet intime bashkëshortore nga agimi e deri në perëndim të diellit, ngrënia, pirja apo edhe përdorimi i ilaçeve.
Pirja e duhanit prish po ashtu agjërimin, thithja me qëllim e tymrave, avujve, etj.
Disa nga veprimet e tjera që prishin po ashtu agjëriimin, janë përtypja e çamçakëzit, hyrja në trup e diçkaje nga goja, hunda, veshi, etj. Po ashtu edhe dalja e gjakut nga goja si dhe gëlltitja e tij.
