Sulm terrorist në Izrael/ Palestinezi vr et 5 persona, reagon Olta Xhaçka

Pesë qytetarë janë qëlluar për vdekje nga një i armatosur me origjinë palestineze në periferi të qytetit izraelit të Tel Avivit. Ky është sulmi i tretë me pasoja në vdekje përgjatë një jave.  Ngjarja ka ndodhur në Bnei Brak, një nga zonat më të populluara hebreje ultra-ortodokse të vendit. Agresori pas sulmit me armë u qëllua  për vdekje nga policia.

Lidhur me sulmet e javës së fundit ka reaguar edhe ministrja e Jashtme, Olta Xhaçka e cila i cilësoi si barbare. Ministrja tha se Shqipëria qëndron pranë Izraelit kundër sulmeve terroriste që vrasin njerëz të pafajshëm

“Shqipëria dënon ashpër sulmin barbar në Izrael. Ne qëndrojmë pranë Izraelit kundër sulmeve të tmerrshme terroriste. Vrasja e njerëzve të pafajshëm të jetë një zgjidhje tjetër. Mendimet dhe lutjet tona për familjet e viktimave. Ne inkurajojmë dhe mbështesim çdo hap drejt një procesi gjithëpërfshirës paqeje në Lindjen e Mesme.”, shkruan Xhaçka.