Fshati Papër në Elbasan është shndërruar pasditen e kësaj të marte në një “fushë betejë” mes 2 shumë të kërkuarve, dikur miq, e sot armiq të përbetuar.
Report Tv mëson se Nuredin Dumani ka qëlluar mbi 20 herë drejt BMW-së me xhama të zinj ku dyshohej se fshihej Talo Çela. Ky i fundit i është kundërpërgjigjur këtij sulmi me armë, për pasojë ka mbetur i plagosur Dumani. Menjëherë pas kësaj ngjarje, Talo Çela që dyshohej se fshihej te BMW-ja me targa të vjedhura në Durrës në prill të 2021, ka braktisur makinën dhe është larguar nga vendi i ngjarjes, e ndërsa Dumani është arrestuar në Fier, në Urgjencën e spitalit.
Prova më e fortë që ka policia që Nuredin Dumani është autor i këtij atentati është snajperi, armët e tjera, dylbia dhe jeleku anti-plumb që i është gjetur në makinën e tij, e ndërsa në mjetin që lëvizte Talo Çela iu gjen një kallashnikov dhe një bidon me 5 litra benzinë.shqiptarja
