“Ik largohu” Qytetarja përzë nënë Lizën nga protesta: Nuk jemi këtu për shtëpinë tënde

Ashtu si edhe në protestat e tjera, nënë Liza është bërë e njohur për rezistencën e saj ndaj policisë në shembjen e banesave në zonën e “5 Majit”.

E moshuara ishte dhe sot prezente në shesh, para godinës së Kryeministrisë në Tiranë.

Por teksa mori fjalën dhe po bënte thirrje që njerëzit të dilnin më të shumtë në numër kundër qeverisë, një grua, i është afruar dhe e ka larguar.

“S’jemi këtu për shtëpinë tënde, ik, largohu. Kemi një kauzë tjetër”, tha gruaja.
Ndërkohë, nënë Liza tentoi të fliste sërish, por u largua nga gruaja dhe një burrë që e shoqëronte.