Këngëtari me famë Maluma është duke mbajtur një turne në të gjithë botën.
Ai ndodhet çdo ditë në një shtet të ndryshëm.
Duke qenë se këngët janë të njëjtat, ai mundohet që në koncertet e tij të sjellë diçka të re që nuk është parë asnjëherë.
Janë të shumtë artistë që vendosin që fansat e tyre t’i ngjisin në skenë, por vetëm Maluma i puth në buzë. E një puthje të tillë ka marrë së fundmi një fanse në Luksemburg gjatë koncertit që ai ka zhvilluar aty për turin “Papi Juancho”.
Mirëpo, vajza në fjalë nuk e ka kërkuar vetë këtë gjë. Për habinë e shumë njerëzve ishte burri i saj që mbante një pankartë në duar ku shkruhej : “Puth gruan time”.
Kjo pankartë ka marrë edhe vëmendjen e Malumës që sigurisht ia ka realizuar dëshirë. Dhe jo, mos u nxitoni, sepse ka qenë thjesht një puthje në faqe jo në buzë si zakonisht. Vërtetë çapkën, por Maluma di t’i respektojë burrat e fanseve të tij.
