Grupi i hakerëve Anonymous ka marrë përsipër një sulm ndaj Bankës Qendrore të Rusisë.
Në një postim në Twitter, një llogari që përfaqëson grupin tha se do të lëshonte 35,000 skedarë në 48 orë.
Llogaria nuk ka dhënë ende prova se kishte ndërmarrë me sukses hakimin, ose se kishte akses në dokumentet e premtuara.
Banka Qendrore Ruse nuk iu përgjigj një kërkese për koment nga The Independent para kohës së publikimit.
Grupi i hakerëve ka sulmuar shumë organizata të tjera ruse si pjesë e një fushate solidariteti në mbështetje të Ukrainës pas pushtimit të vendit më 24 shkurt.
Objektiva të tjerë përfshijnë një kompani ruse të energjisë bërthamore, stacione televizive, faqe interneti dhe madje edhe printera.
Anonymous ka pohuar gjithashtu se ka përgjuar radion ushtarake ruse. Grupi i hakerëve deri më tani ka marrë përgjegjësinë për 2,500 sulme ndaj “qeverisë ruse dhe bjelloruse, mediave shtetërore, bankave, spitaleve, aeroporteve disa kompanive”.Anabel
