LIGJET E BIZNESIT
Goditja me shuplakë e aktorit Will Smith ndaj komedianit të njohur Chris Rock, ka qenë kryefjala e ditës.
Shkak për këtë u bë një shaka e komedianit me modelin e flokëvë të Jada Pinkett Smith, gruas së Will Smith.
Chris Rock tha se flokët e Jada-s (të rruara) janë të denja për “G.I Jane 2” duke iu referuar filmit ku aktorja Demi Moore (në rolin e personazhit Jordan O’Neil) rruan kokën. Videoja është bërë virale në rrjet dhe të shumtë janë njerëzit që mbështetesin veprimin e Smith dhe një pjesë tjetër jo.
Ndërkohë burime për New York Post treguan se pas këtij veprimi Will Smith mund të humbasë çmimin e tij, pasi u shpall aktori më i mirë.
‘’Ishte një sulm dhune. Të gjithë ishim në shok dhe u krijua një situatë e parehatshme. Unë mendoj se Ëill nuk do që të kthej çmimin mbrapsht, por kurrë nuk i dihet se çfarë mund të ndodhë”, tha një burim për The Post.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Për ketë ngjarje ka reaguar edhe Akademia e Arteve dhe Shkencave të Filmit. Në një deklaratë zyrtare nga organizatorët shkruhet: “Akademia nuk e pranon dhunën në asnjë formë. Sonte ne jemi të kënaqur të festojmë fituesit tanë të 94-të të çmimeve Oscar, të cilët meritojnë këtë moment njohjeje nga kolegët e tyre dhe dashamirësit e filmit në mbarë botën.”
Nga ana tjetër, regjisori i filmit ‘’Kncocked Up’’ ka kritikuar veprimin e Smith.
‘’Ai mund ta kishte vrarë atë. Kjo është dhunë dhe inat. Ata kanë dëgjuar miliona shaka për ta në 3 dekadat e fundit. Ata nuk janë të rinj në botën e Hollivudit dhe komedisë’’, u shpreh regjisori.
Drejtoresha Ekzekutive e AMPAS, Daën Huson deklaroi asokohe se akademia ishte një privilegj i ofruar vetëm për disa të zgjedhur brenda komunitetit global të kineastëve.
“Përveç arritjes së përsosmërisë në fushën e arteve dhe shkencave të filmit, anëtarët duhet gjithashtu të sillen në mënyrë etike duke mbështetur vlerat e Akademisë për respektimin e dinjitetit njerëzor, përfshirjen dhe një mjedis mbështetës që nxit kreativitetin. Nuk ka vend në Akademi për njerëzit që abuzojnë me statusin, pushtetin apo ndikimin e tyre në një mënyrë që shkel standardet e njohura të mirësjelljes. Akademia është kategorikisht kundër çdo forme abuzimi, ngacmimi ose diskriminimi në bazë të gjinisë, orientimit seksual, racës, përkatësisë etnike, paaftësisë, moshës, fesë ose kombësisë. Bordi i Guvernatorëve beson se këto standarde janë thelbësore për misionin e Akademisë dhe reflektojnë vlerat tona’’, tha Daën Hudson.
